[ الإتِيكيتْ ] ..

<<طيّبْ نرجَع مَرّة ثَآنيَة لِ الضيُوفْ المَرحَلَة الثَالثَة " الشاي " ..

أفضَلْ إنّك تسَوينْ إِبريقِينْ وَاحدْ لِ الشَآي وَالثَآنِي لِ النعنَآع ..

وأحسنْ بعدْ ماتكثرينْ السكّرْ وتجيبينْ سكّرْ برّى , عشَانْ هُم يضِيفُونه بِنفسَهُم ..
و إذَا بتحطُونْ العَشَاء بَدرِي خلُوا الشَاي بعدَ العشَاءْ ... عشَانْ يصِيرْ فِي شَيء تضيفُون عَليه بَعدْ العَشَاء ..


仒 التعَامُل مَع الضيُوفْ :



دَايمْ حَآولِي تَأخذِينْ وَتعطِينْ مَعْ الضيُوف لَو كانُوا جَايينْ عندتس [ إنتِي شَخصِيّاً ] ..
لَو الضيُوفْ مُو لكْ وكنتِي بنُوتَة .. يُفَضل تكونِينْ عَ السَايلنتْ لحدْ أحَدْ يِبدَأ يِتكَلّم معكْ .
السَايلنتْ يعنِي بِ أَدَبْ وَ لُطفْ وَ حيَاااااااااءْ أُكَرِرْ حَيااااااااااااء لأنْ الحيَآءْ زِينَة البنآتْ لبّى قلُوبنَآ وه بَسْ ..
وَ الحَيَاء مَا يِمنَع إنِّك تكُونِينْ مِضيَآفَة وتسُولفِينْ بس شوَي ..
سوي إحتكآكْ بِلبَآقَة مَع ضِيفتِك لَو إنتِي بَنُوتَة خصُوصَاً لَو كَآن عِندهَا عيَآلْ شَبابْ .. خخخخخ

يمكنْ تُعجَبْ فِيكِ وتخطبِكْ

ودَايمْ الأُمهَآتْ يحشُونْ فِي عيَآلهُم عِندَ الحَرِيمْ ..

" والله ولِيدِي مسِيكينْ معذبتِه جَامعتِه لِيلْ نَهَآرْ يدرِسْ >> ياسلامْ الوَلدْ طَمُوحْ هذِي إحتكِي فِيهآ ..
" متَى ولِيدِي يكبَرْ ويعقَل " >> هَذِي آنتبهي لا تحتَكِينْ فِيهآ ..
طَبعاً بعضْ الأمهآتْ تسَوِي حَركَآتْ البهَآرَات لبنتهآ , تقُولْ بنَيتِي تستحِي خَجُولَة .. كَلامهَا قلِيلْ ..
هَذَا حَلَى بنتِي سَوتُه , طَبعاً الحلَى مِنْ محلْ الحلويَآتْ بَسْ منْ قُوّة النَصبْ صَآرْ حلَى بنتَها ..


仒 طيّب خلاصْ نجِي للأشيَآءْ الممنُوعَه الجزءْ هَذَا سَووا لُه [ shift + delete ] عندْ الضيُوفْ ..
خَليكْ عَ شَخصِيتِك , بَس أَكِيدْ مَا تصِيرينْ بَجِحَة
يعنِي مَرّة جَرِيئَة .. دَآخلَة جَو مَعْ سُوالِيفْ الحَريمْ , خلهُم يسُولفُونْ أنتِي بَريئَة مَا تعرفِينْ وشْ يقُولُونْ ....
وإذَا نَآدِيتِي وحدَة كبيرَة مَرّة يعنِي فُوق 70 .. قُولِي لَهآ خَآلتِي ..
وفِي نَآسْ مَا تحبْ أحدْ يِنَادِيهَا خَالتِي أَو يكبِّرهَا فِي العُمرْ ..
أتذكرْ مَرّه فِي المسجدْ منْ زِينْ وجهِي جمبِي حُرمَة كبيرَه وقلتْ لهآ خآلتِي أجيبْ لكْ مُويَه قآلتْ تخلخلتْ عظآمكْ ..
طيّبْ وشْ أسوي أنا ألحينْ شعرفنِي بإسمكْ وإلا إسمْ ولدكْ عشآن أناديك فِيه ..
حتَى لو أقُولهآ هِيييه تبي تسفّل فِيني ..
>> بغيتْ أصِيحْ ..
عشَآنْ مَآتتعرضُونْ لِ مثلْ هالمُوقفْ مُمكِنْ تقُولِينْ
" أُمْ فلانْ " سَمِّي , تفَضلِي , عيُونِي , آمرِي , لَبِيه .. >> لزُومْ الذرآبَه يعنِي
طيب إنقطعتْ السآلفَه وتَبينهَآ تَكمّلهآ قُولِي لهَآ " إسّلمِي "

اممممممم

الكَلِمَاتْ هّذِي إنسِيهَا منْ قَآمُوسِكْ عندَ الضيُوفْ والحرِيمْ الكبآرْ :

[ بليز , أوكِي , سُورِي , يَبْ , نُو ] ..

فِيه حُرمَة تحشْ بوحدَه منْ البنآتْ تقُولْ هَذِي لَو أعطسْ قآلتْ [ أُوكِي ] ..


فعشَآنْ ما أحدْ يحشْ فِينآ مثلْ هَذِي ننسَى المُصطلحآت الأجنبيه ..

امممم

معَآييرْ الخوآتْ إنسيهَآ ....



إختكْ قآلتْ لكْ جِيبِي لِي مُويَه تقُولينْ لها جيبي لنَفسِك ما عندّك رجِلين هذِي بعدْ انسِيها .. وتقُولينْ منْ عيُونِي أَجيبْ لكْ

ما آبِي تتحوَلْ وتصِيرْ " تآمرِينْ أَمرْ " ..

قُولِي قَسمْ تتحوّلْ وتصِيرْ " صحيح " ..


كَذّابَة / نَصَابَة تتحَولْ وتصِيرْ " تَمزحِينْ أَكيدْ " ..


امممم كلْ التحولاتْ هَذِي تصيرْ عندْ الضيُوفْ بَسسسسسْ

كلمَآتْ تقُولِينهآ إذَا أحدْ قآلكْ مثلْ الكلامْ هَذا ....

•يعنِي مَثلاً لمّا ترُوحِي لنَآسْ ويقدمُونْ لكْ بخُورْ تقُولِي [ طَيبَ الله فَالِكْ وَخَلا لِكْ أَحبَابِك ] ..
• لمّا تزُورِينْ أحَدْ وجيتِي بِتَطلعِينْ وقَالُوا لكْ لِسَى بَدرِي تردِينْ وتقُولِينْ [ الجَلسَه مَعكُم مَاتنمَل والله يجمَعنَا فِي جَنّات النَعِيمْ ] ..
• فِي الزوَاجْ لمَّا تقُولِكْ عُقبَالكْ تردِينْ وتقُولِينْ [ تِسلَمينْ ] , مُو آمينْ ..


بنت عمي الخبله كآنت تقووول آمين >>> يآآآآربيه فششششششله


• حلُو لمّا تكثرِي مِنَ الدُعَاء للِي إنتِي زَايرتهُم مِثلْ [ أنعَمَ الله عليكُم وَكثّر الله خِيركُم ] ..


• لَمّا أحدْ يِجيْب لِك مُويَه تقُولِينْ له [ يَاربْ يسقِيكْ مِنْ حَوضْ النَبِي ] ..


• لَمّا أحدْ يِنآدِيكْ تردِينْ بكلمَة [ سَمِي ] صعبَة تقُولِينْ لجدَتِك وَالا وَحدَة بسنّها " هلا " ..
• مُو حلُو تعلِينْ صُوتِك أَو ضحكتِكْ عِندَ النَآسْ خذِي رَآحتِك بَسْ بدُونْ مَا يعلَى صُوتِك ..
• حلُو إنّك تكُونِي [ مُستمعه ] أكثرْ مِنْ كَونكِ [ مُتحدِثَه ] ..
• لَو عَزمتِي أَحدْ وَقالْ لِك " سفرة دايمة " أَو " أكرمكُم الله " أَو " أنعَمَ الله عليكُم "



[ مُمكِنْ لَو إنتِ مَعزُومَة تقُولينْ الجُمَل هَذِي بَعد الأكلْ ]
لَو احدْ قَالها لكْ .. تقُولِينْ لُه [ صحتِينْ ] أَو [ حيّاك الله ] أَو [ صِحّة وَعافيَة ] ...

• أشخَاص أَولْ مَرّة تقَابلينهُم وَإنبَسطِتي مَعهُم تقُولِينْ [ سَعِيدَة بمعرفتِك ] أَو [ فُرصَة سَعِيدَة ]
ولَو أَحدْ قَالهَا لِك تردِينْ [ أنَا أَسعَد ] ..

إنْ شَاء الله يكُونْ الموضُوعْ هَذَا دَليلْ مُفِيدْ لِ الكُل.....
... وأنآ بصرآحه شفت هالموضوع آستفدت منه كثيرر


وفيه آشيآء مآكنت أعرف أرد علييهآ وموآقف مدري وش أقول فيهآ فحبيت آنكم تستفيدون